နမ်း လို့ ရ မ လား....
ညင်ညင်သာသာမေးလာတဲ့ မောင့်ကို
နမ်းခွင့်ပေးလိုက်ရမှာလား
ငြင်းဆန်လိုက်ရမှာလား
ဒါမှမဟုတ်...
ကျမက ပြန်နမ်းလိုက်ရမှာလား
မောင့်ကို ကျမ လုံး၀ မနမ်းသင့်ဘူးလား
တစ်သက်စာ တောင့်တခဲ့တဲ့ ဒီနှုတ်ခမ်းတွေကိုလည်း
ဘယ်တော့မှ နမ်းဖြစ်တော့မှာ မဟုတ်ဘူးလား...
အနှစ် ၂၀ ရဲ့ ပထမဆုံးအနမ်းဖြစ်လေမလား
ဒါမှ မဟုတ်....
တစ်ဘ၀စာအတွက် နောက်ဆုံးအနမ်းဖြစ်လေမလား
နှုတ်ခမ်းတွေကို သို၀ှက်သိမ်းဆည်းထားရင်း
ခံစားချက်တွေကို ကျစ်ကျစ်ပါအောင် သိမ်းထုတ်ပိုးထားလို့
တုန်ယင်ရင်မောစွာ
ခေါင်းငုံ့ ဝေခွဲ မရ ဖြစ်နေမိခိုက်...
......
.......
မောင်ဟာ ကျမအတွက်
တစ်သက်စာ မမေ့နိုင်တော့မယ့်
ပထမဆုံး အနမ်းတစ်ခုကို
ပေးဆပ်လက်အပ်ခဲ့ပါတော့တယ်.....
No comments:
Post a Comment