မိတောနှင့် ကောက်ရိုတ်သိမ်းပွဲညစာ

(ကောက်ရိတ်သိမ်းပွဲနေ့ဟု ခေါ်ဆိုမည်ထင်ပါသည်) နေ့မို့ မိတောတို့ မောင်နှမများစုပြီး ဆိုင်တစ်ဆိုင်တွင် ညစာသွားစားကြလေသည်။

ဆိုင်ထဲရောက်သည်နှင့် တစ်ဦးကိုတစ်ဦးဖက်ကာ နှုတ်ဆက်ကြပြီး၊ အိမ်ကချက်လာသော ဟင်းများကို တစ်ယောက်နှင့်တစ်ယောက် အပြန်အလှန် လက်ဆောင်ပေးကြလေသည်။ အခြားနိုင်ငံခြားသားများက သူတို့အချင်းချင်း ပန်းစည်းများ၊ ဝိုင်များ လှဲလှယ်လက်ဆောင်ပေးကြစဉ်၊ မိတောတို့ မောင်နှမများကတော့ မုန့်ဟင်းခါး၊ ငါးဟင်း၊ ပဲကြီးဟင်း၊ ငါးပုပ်ခြောက်ကြော် စသဖြင့် အလဲအလှယ်ပြု လက်ဆောင်များ ပေးကြလေသည်။

ပန်းရနံ့များ၊ ဝိုင်နံ့များ သင်းပျံ့နေသော စားသောက်ဆိုင်သည်လည်း မိတောတို့ ရောက်လာသည်နှင့် ငါးပုပ်ခြောက်နံ့၊ မုန့်ဟင်းခါးနံ့၊ ငံပြာရည်နံ့ စသဖြင့် ရုတ်ချည်း သင်းပျံ့ကုန်လေသည်။

လူများသဖြင့် ဝိုင်းနှစ်ဝိုင်းကပ်ပြီး စကားပြောလိုက်၊ စားလိုက်ဖြင့် အချိန်တို့ ကုန်ဆုံးလာနေသည်။ တစ်ယောက်တစ်ပေါက် စကားတွေ လုပြောရင်း၊ ရယ်မောရင်းဖြင့် ပျော်ရွှင်နေကြလေသည်။

အစားများ အနည်းငယ်ကုန်သွားသည့်အခါတွင်တော့ စကားသံများက အနည်းငယ် ငြိမ်သက်လာသည်။ အချိန်တန်ကြာသည့်အခါတွင်မတော့ တစ်ယောက်နှင့်တစ်ယောက်တောင် စကားပြောချင်စိတ်ကုန်ခမ်းကုန်ကာ၊ မလှုပ်နိုင်ကြတော့။ တစ်ယောက်နှင့်တစ်ယောက်လည်း ကြည့်တောင် မကြည့်ချင်ကြတော့။ ဝယ်ကျွေးသော အစ်မအကြီးဆုံးကိုယ်တိုင်လည်း မလှုပ်တော့ဘဲ ငူငူကြီးထိုင်ကာ “စားကြဦးလေ” ဆိုသည်ကို ဟန်အမူအရာဖြင့်သာ ပြနိုင်လေတော့သည်။ မေးခံရသော သူများကလည်း ခေါင်းခါသူခါ၊ ရင်ဘတ်ထိရောက်နေပြီဟု လက်ဖြင့် ပြသူပြ၊ လည်ပင်းထိ ရောက်နေပြီဟု ပြသူပြဖြင့်။

ဝယ်ကျွေးသော အစ်မအကြီးဆုံးက မလိုအပ်ဘဲ ပွဲတွေ အရမ်းမှာသဖြင့် စားစရာများသည် အရမ်းကြီးကို ပိုလျှံနေလေတော့သည်။ မောင်နှမတွေကလည်း အယောက် ၃၀ ခန့်ရှိသော်လည်း ပိုနေတော့သည်။

မိတောနှင့် အမှတ်တရ သောင်္ကြာ၁၃

၁၃ ဂဏန်း ကျတဲ့ သောင်္ကြာရက်ဆိုရင် လူတွေက မကောင်းတဲ့ရက်အနေနဲ့ သတ်မှတ်ကြတယ်။ အထူးသဖြင့် ဒီဘက်နိုင်ငံတွေမှာ လူအချို့ဟာ ၁၃ ဂဏန်းကိုလည်း မနှစ်သက်ဘူး၊စီးပွားရေးသမားတွေက စီးပွားရေးတစ်ခုခုစလုပ်မယ်ဆိုရင်လည်း သောင်္ကြာနေ့ကို မရွေးဘူးလို့ ဆိုကြတယ်။
သောင်္ကြာ ၁၃နဲ့ ပတ်သက်လို့ အမျိုးမျိုးအမြင်တွေရှိတယ်။ အချို့ကလည်း ၁၂ ဂဏန်းဟာ ပြီးပြည့်စုံခြင်းကို ပြတယ်။

တစ်နှစ်မှာ ၁၂ လရှိတယ်၊ နက္ခတ် ၁၂ခု၊ နာရီတွေဟာ ၁၂ မှာဆုံးတယ်၊ ပြီးတော့ ၁ ကနေ ပြန်စတယ်၊ သခင်ခရစ်တော်မှာ တမန်တော် ၁၂ ပါးရှိတယ်၊ အစ္စရေးလူမျိုး ၁၂ မျိုး စသဖြင့် ၁၂ ဂဏန်းဟာ ပြီးပြည့်စုံမှုကို ပြတဲ့အတွက်၊ ၁၃ ဟာ စည်းမျဉ်းတစ်ခုကနေ သွေဖယ်နေလို့ လို့ ဆိုကြတယ်။
အချို့ကလည်း Thomas W. Lawson ရဲ့ နာမယ်ကြီး ဝတ္ထုဖြစ်တဲ့ Friday, the Thirteenth ကြောင့် လူတွေက တစ်စခန်းထတာလို့ ဆိုသလို၊ သောင်္ကြာနေ့မှာ သခင်ခရစ်တော်ကို ကားစင်တင်ခဲ့တဲ့ နေ့မို့လို့လည်း ထိတ်လန့်ကြရာမှ အစပြုပြီး စွဲလာတာလို့ ဆိုကြတယ်။
ဒီကြားထဲမှာ မှ Dan Brown ရဲ့ The Da Vinci Code ဝတ္ထုကလည်း သောင်္ကြာနေ့၁၃ ရက်ကို ပိုမိုထိတ်လန့်စေအောင် ပြုတယ်လို့ ဆိုတယ်။

အဲသလို အမျိုးမျိုးကြားထဲမှာ စောစောအိမ်ပြန်ချင်လို့ မနက်အစောကြီးထပြီး ရုံးကို လာခဲ့တယ်။ အိမ်ကမထွက်ခင် ကောင်းကင်ကိုမော့ကြည့်လိုက်တော့ မောင်ရင်ဆိုင်းထမ်းရယ်၊ ဖျောက်ဆိပ်ကြယ်စုရယ်၊ မာကျူရီဂြိုလ်ရယ်က လင်းလက်တောက်ပနေလိုက်တာ ဆိုတာ… မိတောမှာ တခဏတာ ငေးမောတွေဝေမိသွားတယ်၊ သဘာဝအလှမှာ နစ်မျောသွားမိတယ်။

မိတောနှင့် ဂိမ်းများ

ညနေခင်း နေရောင်ခြည်က ဖွဖွညင်သာ ဖြာကျနေသည်။ အိပ်တန်းပျံဌက်တို့က မြစ်ပြင်တလျှောက် လေဟုန်စီးနေကြသည်။ ရုံးမှအိမ်အပြန်လမ်းတိုင်းမှာ ခံစားရသော မိတော၏ ခံစားချက်တို့သည် တစ်နေ့နှင့် တစ်နေ့ မတူ။ အချို့ရက်များတွင် လန်းဆန်းတက်ကြွနေတတ် သလောက်၊ အချို့ရက်များတွင်မတော့ ရုံးမှာ အဆင်မပြေမှုလေးတွေ ကြုံလာရသဖြင့် မိတော မျက်နှာကြီးက သုန်မှုန်နေတတ်သည်။

မိတောနှင့် နံရံမှနားများ

မိတော ဆယ်ကျော်သက်အရွယ် မနူးမနပ်ကာလတစ်ခုတုန်းကဖြစ်သည်။

မြို့မှကျောင်းသစ်တစ်ကျောင်းကို ပြောင်းခဲ့ရသော မိတော…. ကျောင်းသူအသစ်မို့ မိတ်ဆွေနည်းနေချိန်တွင် ဂျဲဂျဲဆိုသည့် ချင်းမလေး တစ်ဦးနှင့် ခင်မင်ရင်းနှီးခွင့် ရခဲ့သည်။ ဆယ်ကျော်သက်အရွယ်ဝင်စမို့ အတန်းထဲမှ မိန်းကလေးများသည်လည်း အလှအပကို မြတ်နိုးတတ်ကြသည်ကို သတိထားမိခဲ့သည်။

မိတောကတော့ ရိုးရိုးလေးသာ ဝတ်စားတတ်လေသည်။ ဂျဲဂျဲကတော့ နူးနူးညံ့ညံ့နှင့် စကားကို လေလုံးကွဲအောင်တောင် မပြောသော အလွန်သိမ်မွေ့သူ တစ်ဦး။ အဲဒီအထဲမှာမှ အလှဘုရင်မတွေဟုတောင် တင်စား၍ရနိုင်သော ကျောင်းသူလှလှလေးများလည်း ရှိသည်။ မြို့သူတွေမို့ အသုံးအဆောင်တွေကလည်း မိတော တစ်ခါမှ မမြင်ဘူးသော ဆံညှပ်လေးများ၊ ကွန်ပါဘူးလှလှလေးများ၊ ချစ်စရာရောင်စုံကလစ်လေးများ၊ လက်ကောက်လေးများ။ မိတောမှာ သူတို့ကို ငေးကြည့်လို့သာ နေရသည်။

မိတောက ငယ်စဉ်ကတည်းက ကိုယ်လက်လှုပ်ရှားဝါသနာပါသူမို့ ရွယ်တူမိန်းကလေးများထက် အနည်းငယ်ပိုပြီးထွားကျိုင်းသည်ဟု ဆို၍ရသည်။ ဂျဲဂျဲကတော့ မိတောလို အားကစားလည်း သိပ်လိုက်စားလေ့မရှိ။ နေ့လည်ခင်းမုန့်စားဆင်းချိန်တွင် သစ်ပင်အောက်တွင် ငုပ်တုပ်လေး ထိုင်နေတတ်သည်။ အခြားမိန်းကလေးသူငယ်ချင်းများနှင့် သားရေပင်သွားခုန်မည်ဟုဆိုတော့လည်း ဂျဲဂျဲက မလိုက်။ ဂျဲဂျဲ မပါဘဲနှင့် မိတော သားရေပင်သွားခုန်သေးသည်။ သို့သော်…. ကျောင်းသူများက အပေါ်ယံလှိုက်လှဲသယောင်ရှိသလောက် မိတောကို တစ်ခုခု မကြိုက်ဘူးဆိုသည်ကို ခံစားနေမိခဲ့သည်။ ဒီလိုနှင့်မိတောလည်း သစ်ပင်အောက်တွင် ဂျဲဂျဲနဲ့ တစ်စခန်းသွားရတော့သည်။ ပထမရက်တွေများတွင် ဂျဲဂျဲနှင့်အတူ မုန့်စားသော်လည်း ကြာလာသည့်အခါတွင် မိတောသရုပ်က ပေါ်လာတော့လေသည်။