ကံကြမ္မာကတော့
 |
နှစ်ယောက်လုံးကို အလဲထိုးတာပါပဲ
ချစ်ခြင်းမေတ္တာကို ရှုသွင်းပြီး
ရှင်သန်ခြင်းကို ပြန်ထုတ်နေရတယ်
မခွဲနိုင်မခွာရက် လက်ကျန်ကာလများ...
နှစ်ယောက်လုံး ချိန်းဆိုထားပြီးမှ
အဆက်အစပ်မရှိတဲ့ ဇာတ်ညွှန်းများ
ခင်ဗျားသဘောကျတတ်တဲ့
ပေါ့ပေါ့ပါးပါးဟာသ ဆိုပါတော့
နည်းနည်းတော့များတယ် ကိုယ့်ဆရာ
ပျော်ရဲ့မဟုတ်လား.....
လက်ဖဝါးနှစ်ဖက်ဖျတ်ကနဲ ရိုက်လိုက်တုန်းက
အဆိပ်ကသပ်သပ် ပန်းကသပ်သပ်
ဖြစ်ခဲ့ကြပြီးမဟုတ်လား အချစ်ရဲ့
စိတ်ကူးနဲ့လှမ်းမျှော်ကြည့်တိုင်း
မင်းခေါင်းပေါ်က ပန်းလေးက လှတယ်
ဇာတ်လမ်းက ကြေကွဲစရာဆိုပေမဲ့
အရာတိုင်းက ခမ်းနားခဲ့ပါတယ်
တယောက်က ပျော်ရွှင်ဖွယ်ဇာတ်ဝင်တေးတွေဆိုမယ်
တယောက်က ခပ်ဝေးဝေးက လက်ခုပ်တီးမယ်
တစ်ကိုယ်စာလမ်းကလေး..
ငါ့အနမ်းနဲ့ မှော်သွင်းထားတဲ့
မင်းခြေဖဝါးတွေနဲ့
နှစ်ယောက်အတွက်စီးဆင်းခဲ့တယ်
စစ်ပွဲဆိုတာ တယောက်ထဲ ကျန်ခဲ့ရင်လည်း
အနိုင်ရတာပဲမဟုတ်လား ... အချစ်ရယ်...
'GMR'
No comments:
Post a Comment