မိတောသည် ယခုနှစ်မွေးနေ့ရက်တွင် မိသားစု၊
သူငယ်ချင်းမိတ်ဆွေများ၏ ဂရုစိုက်မှုကို ခံရသဖြင့် ကျေနပ်ပျော်ရွှင်နေလေသည်။
ရုံးတွင် မွေးနေ့ပွဲများကို ကျင်းပလေ့ရှိသော်လည်း မိတောတို့ဌာနတွင်
မွေးနေ့ပွဲများ မကျင်းပကြသည်မှာ ကြာပြီဖြစ်လေသည်။ မကျင်းပရခြင်းအကြောင်းမှာ
မိမိတို့ကိုယ်မိမိတို့ အသက်ကြီးလာကြပြီဟုယူဆမိကာ
ကျင်းပလိုစိတ်မရှိကြတော့၍ဟု တိုတိုတုပ်တုပ်ဆိုရအံ့။
လွန်ခဲ့သောနှစ်များတွင်မတော့
တစ်စုံတစ်ယောက်၏မွေးနေ့ရက်ရောက်ပြီဆိုလျှင် ရုံးသို့
လှလှပပပြင်ပြင်ဆင်လာကြပြီး၊ မွေးနေ့ပွဲများကိုလည်း တခမ်းတနား
ပျော်ရွှင်စွာကျင်းပလေ့ ရှိကြသည်။ မိမိမွေးနေ့ကို ချစ်ခင်သူများက
သတိမရကြလျှင် ဘဝကြီးတစ်ခုလုံးပြီးဆုံးတော့မလို ဝမ်းနည်းတတ်ကြသေး၏။
အသက်သုံးဆယ်နား ကပ်လာကြသည့်အခါတွင်မတော့ မွေးနေ့ပွဲကျင်းပရန်
စိတ်သိပ်မပါကြတော့။
ထိုသို့စိတ်သိပ်မပါကြသော်လည်း
မွေးနေ့ပွဲများကိုတော့ ကျင်းပနေကြဆဲ။ သုံးဆယ်ကျော်လာကြသည့်အခါတွင်မတော့
မိမိမွေးနေ့ကို သတိမရကြလျှင်လည်း ဘာမှသိပ်မဖြစ်ကြတော့။ တစ်စုံတစ်ယောက်က
သတိရပြီး ကျင်းပပေးလျှင်လည်း စိတ်မပါ့တပါဖြင့် ကျင်းပဖြစ်ကြသေးသည်။
သုံးဆယ်နှောင်းပြီး လာချိန်ကာလများတွင်မတော့ မိမိမွေးနေ့ကို
သတိရကြမည်ကိုပင် စိုးရိမ်လာကြတော့သည်။ မွေးနေ့ပွဲထက် အရေးကြီးသော
အခြားကိစ္စများနှင့် လုံးချာလည် လိုက်နေကြရသည်လည်း ပါသည်။
အသက်ဘယ်လောက်ရှိပြီလဲဟု မေးခံရမည်ကိုလည်း စိုးရိမ်လာကြသည်လည်း ပါမည်။
ထို့ထက်အသက်ကြီးလာကြသည့်အခါတွင်မတော့ မွေးနေ့ရောက်လာမည်ကိုပင် စိုးရိမ်တတ်ကြလာတော့သည်။
ထိုနေ့ကတော့ မိတောမွေးနေ့မို့ ရုံးကသူငယ်ချင်းများက နံနက်ခင်းကတည်း မိတောကို ဖက်ပြီးနှုတ်ဆက်ကြသည်။ မိတောမှာ သိပ်မဖက်ချင်သော်လည်း ယဉ်ကျေးမှုအရပြန်ဖက်ပြီး ကိုယ့်အလုပ်ကိုယ် ဆက်လုပ်နေလိုက်သည်။ နေ့လည်ခင်းရောက်တော့ သူငယ်ချင်းများ တကြိတ်ကြိတ်ဖြစ်နေကြသည်ကို သတိထားလိုက်မိသည်။ မိတော အနားကပ်သွားသည့်အခါတွင် မသိဟန်ဆောင်ကာ စကားလမ်းကြောင်းလွှဲလိုက်ကြသည်။ မိတောလည်း ခပ်လှမ်းလှမ်းမှ ရေအိုးတွင် ရေသောက်နေသယောင်ဖြင့် ခပ်တိုးတိုးပြောနေသံများကို နားစွင့်နေလိုက်သည်။
“ဒါကြောင့် နင့်ကိုပြောတာပေါ့ ပိုက်ဆံကို လိုလိုမယ်မယ်ယူသွားပါလို့”
“အဲဒီ ဘဏ်ကဒ်က ဘယ်ရောက်သွားလို့လဲ”
“အိမ်မှာကျန်ခဲ့လို့ပေါ့ဟဲ့”
“ကိတ်မုန့်ကြီးထားခဲ့ရတာပေါ့”
“အေးပေါ့၊ သူ့အမည်လေးတောင် ရေးပြီးသားလေး ကျန်ခဲ့တာ”
“မနက်ဖြန်သွားယူလေ”
“သူ့မွေးနေ့က ဒီနေ့ကို ငါက မနက်ဖြန်မှ ကိတ်ကြီးပေးရမှာလား”
“အေးလေ.. သူပြောတာ ဟုတ်တာပဲ”
“ငါ့ကိုယ်ငါ ထုပစ်ချင်အောင် စိတ်တိုတယ်”
မိတောသိလိုက်ပြီ။
မိတော ဤနှစ်မွေးနေ့တွင် ကိတ်မုန့် မရတော့။
