အလိုလိုကြွေကျလာဖို့
တံချူဘေးထားပြီး
မျှော်လင့်နေတတ်သူဟာ
ပန်းကလေးအကျနာသွားမလား
ပူပန်မှုများစွာ...။
တံချူဘေးထားပြီး
မျှော်လင့်နေတတ်သူဟာ
ပန်းကလေးအကျနာသွားမလား
ပူပန်မှုများစွာ...။
စကားဝှက်လဲသိတယ်
မြေပုံလဲရှိတယ်
သူ့အလိုလို
တံခါးတွေပွင့်ဖို့
ရပ်စောင့်နေမိသူပါ....။
တံခါးလေးပွင့်ဟလာသလို
ပန်းကလေးလှုပ်ခတ်သွားသလို
ထင်ယောင်မြင်ယောင်ရင်း
ယုံကြည်ချက်
လေပေါင်ဖြည့်ရ....။
ပန်းကလေးရေ
တံခါးလေးရေ
လမ်းကလေးရေ....။
အလိုမတူပဲ
ဆံချည်တမျှင်တောင်
မပိုင်လိုခဲ့ပါဘူး.....။
မနက်ခင်းတိုင်းကို
ပန်းကလေးခုန်ဆင်းလာမလား
Jazz တေးသွားနဲ့နိုးထ....။
ပြီးတော့
ပန်းအိုးလှလှလေးတခုမရှိကြောင်း
ငိုချင်းနဲ့ အိပ်ယာဝင်တယ်....။
မျှော်လင့်ချက်အကူနဲ့
အသက်လုနေရ
မနက်ဖြန်များပါပဲ...။
No comments:
Post a Comment