တစ်ခါတလေတော့လည်း
အနာဂတ်တွေ...
ကိန်းဂဏန်းတွေ
ဘဝအစစ်အမှန်တွေ ကြားထဲက
အချစ်အတွက် ရူးသွပ်ကြတဲ့
လူငယ်တွေရဲ့ စာကဗျာတွေကြား
ပြန်လည်နစ်မြုပ်ချင်မိသေးတာ...
အခုချိန်မှာ
အချစ်ရဲ့ကဗျာတစ်ပုဒ်ကို
လူမသိ သူမသိ
ခပ်တိုးတိုးလေးသာ
ရင်ခုန်ရင်း.....
အိုမင်းကြမ်းရှလာနေတဲ့
နေ့ရက်တွေကို ငေးကြည့်ရင်း...
ကိုယ့်နှလုံးသားလေးကို
မွမ်းမံရင်း....
အတ္တတွေကို ခဝါချရင်း.....
အတိတ်နဲ့ အနာဂတ်ကြားထဲ
သက်ပြင်းရှိုက်စရာ တနေရာ
ရှာနေရင်းပေါ့ကွယ်....
No comments:
Post a Comment