အဖြူရောင်ကြယ်မှုန်လေးတွေကို
တဖျတ်ဖျတ်တောက်လက်ရင်း ကြွေကျလာမယ့် နှင်းမှုန်လေးတွေကို
ကိုယ်မျှော်နေမိတာ.....
ကိုယ်တို့မြို့မှာ နှင်းမကျတာ ကြာပြီပေါ့...
ဒီလောက်အေးတဲ့ တိုင်းပြည်မှာ နှင်းမကျဘူးဆိုတာ ရှာမှရှားတဲ့အဖြစ်
လွမ်းတယ်နှင်းရယ်..
လည်ချောင်းထဲထိစိမ့်၀င်သွားတဲ့
အေးစက်စက်အထိအတွေ့..
တိတ်ဆိတ်ငြိမ်သက်လို့ ငှက်သံတောင် မကြားရတဲ့ အိပ်မက်ကမ္ဘာလို ပတ်၀န်းကျင်
နှင်းနဲ့အတူ မွှေးပျံ့လာမယ့်ချော့ကလက်ရည်နံ့
မီးခိုးနံ့ ....သစ်စိမ်းနံ့.....
နှင်းပြင်ထဲက တောခွေး ရေဘဲနဲ့ အမည်မသိအကောင်လေးတွေရဲ့ ခြေရာလေးတွေ
ခေါင်းလောင်းသံလေးတွေ... ကလေးလေးတွေရဲ့ ရယ်မောသံလေးတွေ....
နှင်းနဲ့ပတ်သက်တာမှန်သမျှ
ကိုယ်မျှော်နေမိတော့တာ............
No comments:
Post a Comment