ကိုယ်က ညဘက်တွေမှာ အိမ်နောက်ဘက် သို့မဟုတ် အိမ်ရှေ့၊ အိမ်ဘေး စသည်.. ကောင်းကင်ကြီးကို ထွက်ကြည့်တတ်တယ်။ တစ်ခါတလေ စိတ်ကူးပေါက်ရင် ည ကိုးနာရီလောက် လမ်းထွက်မယ်ဆို ထွက်သွားရင် ထွက်သွားတတ်တာ။ ညဘက် လူရှင်းတဲ့အခါ ကောင်းကင်ကြီးကို စိတ်ကြိုက်မော့ကြည့်လို့ရတယ်။ လူအများစုက ကောင်းကင်ကို မော့ကြည့်တတ်ကြတာ သိပ်မရှိတတ်ဘူး။ ကိုယ်ကတော့ ထင်းရှုးပင်ထိပ်တို့ တောင်ထိပ်တို့ နေ့ညမရှောင် ဟိုငေးဒီငေး မော့ငေးတတ်တယ်။
